Ինչու են ծնողները գերադասում տղա ունենալ

Նոր հարցման արդյունքների համաձայն՝ ապագա ծնողների կեսը երազում է տղա ունենալ, ծայրահեղ դեպքում՝ առաջնեկը տղա լինի: Եվ դա բավականին պարզ և պրիմիտիվ են բացատրում՝ տղաների հետ ավելի հեշտ է: Հարցմանն ավելի քան 2000 ամուսնական զույգեր են մասնացել: 47 %-ը վստահեցրել է, որ տղա է ցանկանում ունենալ, քանի որ նրանց ավելի հեշտ է մեծացնել: Հարցվածների միայն 21 %-ն է ցանկանում, որ առաջին երեխան աղջիկ լինի, իսկ մացած 32 %-ը պատրաստ է ընդունել ցանկացած սեռի երեխայի: 

Ուսումնասիրությունները պարզել են նաև, որ հարցված տղամարդկանց 63 %-ը ցանկացել է տղա ունենալ, իսկ 11 %-ը՝ աղջիկ: Պատճառները տարբեր են: Մեծամասնությունը կարծում է, որ տղաներին ավելի հեշտ է դաստիարակել, մի մասն էլ գտնում է, որ եթե առաջնեկը տղա լինի, նա ավելի լավ կարող է հոգ տանել իր փոքր քույրերի և եղբայների մասին: 19 %-ն էլ խոստովանել է, որ տղա է ցանկանում, որպեսզի ցեղը շարունակվի: 

Անկասկած, առաջին երեխայի հարցում անհեթեթ է տղա կամ աղջիկ ունենալու մեծահասակների ձգտումը, սակայն հատկանշական է, որ հարցվածների 95 %-ը համաձանել է, որ ամենակարևորն առողջ երեխա ունենալն է:

Հարցեր, պատասխաններ, մեկնաբանություններ